Ерөнхий захирлын мэндчилгээ
Та бүхний амар амгаланг айлтгаж, нийт хамт олныхоо өмнөөс мэндчилж байна.
Манай “БОЛД” ХХК (Групп) нь 20 жилийн өмнө нийтийн тээврийн таксийн үйлчилгээ, гадаад, дотоод худалдаа эрхлэх чиглэлээр үйл ажиллагаагаа явуулж эхэлсэн бол он цаг өнгөрөх тусам компани маань өргөжин тэлж, бие даасан олон салбаруудтай болсон. Бизнесийн цар хүрээ тэлж, компаниуд маань өсч томрохын хэрээр харилцагчид, хувь нийлүүлэгчид, ажиллагсад, цаашлаад нийгэм, улс орныхоо өмнө хүлээх бидний үүрэг, хариуцлага улам бүр нэмэгдэж байгааг илүү мэдэрч байна.
Би өөрсдийн итгэл үнэмшил, үзэл санаагаараа сайн сайхан амьдрал, улс эх орныхоо хөгжил дэвшилд хувь нэмэр оруулах нэгэн зорилгод нэгдсэн, эрч хүчтэй, өндөр мэдлэг боловсролтой, тал бүрийн авъяас чадвартай залуусаараа бахархдаг. Санаа зорилго нэгтэй нөхдийн хамт бид бизнесийн болон хүмүүнлэгийн чиглэлээр төрөл бүрийн үйл ажиллагаа явуулж байна.
Зөв зүйлийг бодож, зөв үйлийг хийж байгаа хүн сайхан амьдарч чадна. Хийж байгаа ажилдаа чин сэтгэлээсээ хандаж, үнэнчээр хөдөлмөрлөсөн хүний амьдрал дээшилж байгаагийн жишээ манай хамт олонд их бий. Бид хамтдаа нийгмээ, улс эх орноо хөгжүүлэхийн төлөө чин сэтгэлээсээ зүтгэж байна.
Бидэнтэй хамтран ажиллахаар зорин ирсэн иргэд, албан байгууллага, бүтээлч Та бүхний өмнө манай үүд хаалга, үргэлж нээлттэй байх болно.
Та бүхэнд сайн сайхан бүхнийг хүсэн ерөөе!
Ерөнхий захирал Хажидсүрэнгийн БОЛДБААТАР
